रूसमा बसोवास गरिरहेका विभिन्न देशहरूका आप्रवासीहरूको संस्था ‘रूस आप्रवासी संघ’ तथा रूसका व्यवस्थापिका एवं कार्यपालिका निकायहरूलाई परामर्श दिनका लागि राष्ट्रपतिको निर्देशनअनुसार गठित देशका वरिष्ठ व्यक्तिहरूको प्रतिनिधित्व गर्ने सदनको रूपमा रहेको रूसको सामाजिक सभाको संयुक्त आयोजनामा रूसको राजधानीको केन्द्रमा मास्को नदीकै किनारामा स्थित भव्य ‘प्रजिडेन्ट होटल’ को सभाकक्षमा ‘रुस आप्रवासी संघ’ को दोस्रो फोरुम सुसम्पन्न भएको छ

मस्को। गैरआवासीय नेपाली संघ राष्ट्रिय समन्वय समितिको विस्तारित बैठकले रूसमा रहेका सम्पूर्ण नेपालीहरूको तर्फबाट नेपालका पूर्वप्रधानमन्त्री एवं नेपाली कांग्रसका सभापति स्वर्गीय गिरिजाप्रसाद कोइरालाको निधनप्रति गहन शोक प्रकट गरेको छ ।

रसियाली विज्ञान प्रज्ञा-प्रतिष्ठानअन्तर्गत प्राच्यविद्या संस्थानको व्याख्यान कक्षमा गतः ८ जून २००९ -सोमवार) का दिन नेपालबाट मास्को आइरहनुभएका वरिष्ठ साहित्यकारद्वय प्रो. डा. गोविन्दराज भट्टराई तथा प्राज्ञ, डा. ध्रुवचन्द्र गौतमले रूसका प्राच्यविद्हरुसमक्ष क्रमशः नेपाली साहित्यमा उत्तरआधुनिकतावादको विकास तथा नेपाली साहित्यका आधुनिक प्रर्वत्तिहरु भन्ने विषयमा कार्यपत्र प्रस्तुति कार्यक्रमको आयोजना गरिएको थियो ।

विगत ७ वर्षदेखि निरन्तर गैरआवासीय नेपाली संघ रुस राष्ट्रिय समन्वय परिषद्ले रूस दिवसको अवसर पारेर बनभोजको आयोजना गर्दै आइरहेको छ । यस वर्ष पनि १२ जूनकै दिन मस्को सहरबाट बाहिर करिब १०० किलोमिटर टाढा इस्त्रा नदीको रमाइलो तटमा बनभोज कार्यक्रम आयोजना गरिएको थियो ।

विगत ७ वर्षदेखि मस्को महानगरीबाट १०० किलोमिटर पर इस्त्रा भन्ने नदीको हराभरा रमणीय तटमा १२ जूनका दिन मनाइने रूस दिवसको अवसर पारेर गैरआवासीय नेपाली संघ रुस राष्ट्रिय समन्वय परिषदको तत्वावधानमा आयोजित वनभोज कार्यक्रम रमाइलोसित मनाइयो ।

रूस आप्रवासी संघको तत्वावधानमा विक्रम सम्वत २०६७ को शुभागमनका साथै संसारप्रसिद्ध रसियाली जनमैत्री विश्वविद्यालयको क्रीडास्थलमा व्यापक खेलकूद प्रतियोगिताको आयोजना गरिएको थियो । मास्कोमा अध्ययन तथा अन्य व्यवसायमा संलग्न नेपालका मात्र नभई वसन्तागमनका साथै नयाँ वर्षको उत्सव मनाउने भारत, बंगलादेश, पाकिस्तान, श्रीलंका, नेपालका साथै भियतनाम, लाओस, कम्बोडिया तथा मंगोलिया आदि एशियाका विभिन्न मुलुकका नागरिकहरूको त्यसमा सहभागिता सहभागिता रहेको थियो । स्मरण रहोस्, केही वर्षअघि मात्र मास्कोमा स्थापित रूस आप्रवासी संघमा रूसमा बसोवास गरिरहेका विभिन्न देशका नागरिकहरू आबद्ध छन् र नेपालीहरूको प्रतिनिधित्व गर्ने एकजना डा। भीष्म आचार्य यस संस्थाको उपाध्यक्ष पबमा निर्वाचित हुनुभएको छ|

रूसको राजधानीस्थित नेपाली राजदूतावासमा जनआन्दोलन-२ परिणामस्वरूप ४ वर्षअघि घोषित ओकतन्त्र दिवसको उपलक्ष्यमा एक समारोह सुसम्पन्न भयो । त्यसमा रूसमा कार्यरत र अध्ययनरत नेपालीहरूका विभिन्न सामाजिक संस्थाहरूका प्रतिनिधिहरूका साथै नेपालका लागि रूसका पूर्वराजदूत भालेरी नाजारोभ पनि श्रीमतीसहित उपस्थित हुनुहुन्थ्यो ।

गैरआवासीय नेपाली संघ राष्ट्रिय समन्वय परिषद्, रूसको छैठौं साधारण सभा सुसम्पन्न भएको छ । त्यसमा प्रमुख अतिथिको हैसियतले कार्यवाहक नेपाली राजदूत अच्युतभक्त पौडेलका साथै नेपाली राजदूतावास र गैरआवासीय नेपाली संघ ख्सको संयुक्त आयोजनामा मास्कोमा सम्पन्न हुन गइरहेको ‘परम्परागत नेपाली कला’ (पौभा एवं मूर्तिहरू) को प्रदर्शनीका लागि मास्कोमा आइरहनुभएकी कलाविदुषी रेणुका गुरुङ प्रधानको पनि उपस्थिति रहेको थियो

अन्तर्राष्ट्रिय नारी दिवस एवं रङ्कको महान पर्व होलीको उपलक्ष्यमा नेपाली नारी निकुञ्ज तथा नेपाली छात्र संघ जनमैत्री विश्वविद्यालय (मास्को) को संयुक्त आयोजनामा वृहत् च्यारिटी साँझ सुसम्पन्न भयो।

मई महीनाको अन्त्यतिर नेपाली राजदूतावासमा आयोजित जनमैत्री विश्वविद्यालयका प्राध्यापक तथा पदाधिकारीहरूसंग भेटघाटअरी २०१० मा विश्वविद्यालयको स्थापनाको ५० वर्षको अवसरमा मनाइने स्वर्णजयन्तीको तयारीबारे महामहिम राजदूत श्री सूर्यकिरण गुरुङज्यूलाई अवगत गराइनुका साथै नेपाल सरकार, राजदूतावास तथा खास गरी उक्त विश्वविद्यालयबाट स्नातक, स्नातकोत्तर तथा विद्यावारिधि गरेका र हाल रूसमै कार्यरत तथा थप अध्ययनमा संलग्न रहेका नेपालीहरूबारे जानकारी तथा उनीहरूबाट सहयोग समेतका लागि पनि अनुरोध गरिएको थियो ।